Tum tou chaley gaye …

Tum tou chaley gaye

Per zindagi nahi gaii

jo guzri saath zindagi

Mujh may. hi rah gaii

———————----------------------

Guzrey kal ko sab ne maazi kaha

Aur bhul gaye maazi ka bhi haal tha

Aane waale kal ki wahi to mashaal tha

Uski roshni ke baghair safar mohal tha

Kya kya manzar dil per naqsh hote rahe

Jin ke dum se haasil-e-zindagi ka Jamal tha

Sadiyon per muhit tha kul waqt ka hisaab 

Na Jis ka Shumar ho saka dil ka kamal tha

Tukdon may butt gaya hai muntashar wajud

Her su chubta hua wahi ek sawaal tha

Akhir tu ne kyon chuna ishq-o-mohabbat ka raasta

Vasal-o-Hijr se parey wahan sirf  tera khayaal tha

Meherbaniyan teri azeez hum ko itni theen Azeez

Teri inayeton ke baghair apna   jeena mohaal tha

Ye Tera derd hai ye mera derd hai,,,,,

 Ye Tera derd hai ye mera derd hai

Zehen-o-dil ka mosam bhi serd hai

~~~~~~~~~~~~~~~~~~~~~~~~~~~~~~

Zamane bhar ki dhul may ati hui

Sadiyon purani jami wahi gerd hai

kub kiwad koi khule mujh se Miley

Mai us kay daaman say jaa milun

Uske chehrey per khud ko malun 

Phir kahin qarar ki manzilon ka tayeen ho

Barson ke baad aasudah uski jabeen ho

Kitney un-kahey palon ki meherbaniyan   liye

Ghuti ghuti saanson nay lub waa kiye

Be-awaz zulmaton ki un-suni suna kiye

In haweliyon ke israar may dabay dabay

chatpataate dilon nay jaam hasrathon ke piye

Koi guzar roshni ka jahan hua hi na ho

Wahan ummid kaafi hai roshni ke liye

Ye khilwat kadey ka purana dastoor hai wahi

Ke koi teesra na ho mukhal hone ke liye

Ye  alif lailwi afsanawi si raat hai jahan

Haqeeqaten lipti hui hain apni daastan liye

Khwab muntazar hain apni taabeer ke liye

Koi samaan tou kare in ki takmil ke liye

Koi jhonka , le udey hawason pe jami gerd ye

ke  wazah hojaaye tera paikar pal bhar kay liye

Teri yaad hi mere hosh ki dawa hai....

Teri yaad hi mere hosh ki dawa hai

Teri yaad hi meri Ummid ki baqa hai

———————————————————

waqt yehi keh raha hai 

mai wafa na kar sakunga

mujh say zakham jo milenge

mai unki dawa na kar sakunga

ke guzrey pal wapis na aa-sakenge

in ka shikwa kabhi na kar sakunga

taye yehi hua tha kaatib-e-zindagi say

ek pal bhi apna zyaan na kar sakunga

bani nu tu bhul baitha chaal waqt ki bhi

Rab ki raza ke aagey kuch na kar sakunga

uski niyamaton may kahin koi kami nahi thi

shumaar ghaflaton ka in may na kar sakunga

tu ne sitahi luzzaton may umar apni ganwai

Takraar teri rooh ki mai, unsuni na kar sakunga

Qadar waqt ki waqt rahte kar le maan jaa tu

gar guzar gaya mai phir kuch na kar sakunga

mere dosto.............

 mere dosto

-------------------

umar waqt may gar simat aaye

koi dil isey na qaid kar paaye

ye jo lamha hai yehi zindagani hai

baaqi jo guzra vo kal ki kahani hai

inhi palon ko ho sake tou javidan karlo

inhi palon may apne haseen rang bhar lo

tumhari kasoti  ye haseen rishtey naatey hain

jinhien tumne besh-qeemat pal apne baantey hain

ye sauda begharz hai karobar-e-hasti ka

kar dua na kar shikwa ghum-e-hasti ka

azal se duiya may ghalthan hain insaan

zamaane badlte hain magar na badley insaan

khalikh ne apni duty tumhare zimmey lagaii hai

isi liye maa baap ke qadmon taley junnat bichaii hai

ab gila kaisa chodo bhi jo boyega vo kaatega

dil todne wala laakhon may pehchana jaayega

akhir apne dil say bach kar kahan jaayega

meri maano    markaz badal daalo    dosto mere

nazar uthao khud ko pehechano dosto mere

zindagi ba-maqsad ho tou her tarha se mukamal hai

jis ke pesh-e-nazar ho karam wahi insan akmal hai

vo junun aaj bhi raqsan hai....

vo junun aaj bhi raqsan hai

soch abhi tak larzaan hai 

Jub jub yaad teri aati hai 

teri  dastak chain churati hai

Mere hosh ko awaz na de koi

Mere junun ki maang hai yehi

Mujhe soch may apni jalney de 

Mujhe is aag may jeene marne de

Ye ishq asaan kabhi raha nahi 

Tujhe Jo kehna tha kabhi kaha nahi

Dhadkan may jub tak shamil hai tu

Teri meri baat chalegi ku ba ku

Zindagi gulshan ka karobar lagey

Khizaan bhi mosam-e-bahar  lagey

bas yaad-e-maazi haasil hai kal ka

bas yehi ek sila hai is ghaafil ka

sau baaton ki aye dil ek baat yehi

tujh say mil kar lagi her baat sahi

Edd-e-saeed

idd ki khushiyon may mehekti hai

aaj bhi amma ke daman ki mehek

derwazey pe jami muntazar woh nazar

abba ka baade-e-namaz hona tha guzar

inhi khushiyon may hi mila karti hai idd-e-saeed

sab ki khushiyan hain apni khushiyon ki kaleed

yehi yaadein aaj bhi hain zindagi ki naveed

zindagi inhi khushiyon say ki hai humne kasheed

mere dosto ehsaas may hai ab tak maujud

vo duaon ki seher vo mohabbaton ke sajood

her pal bande ke amal may khuda ka hai namud

khalikh ki hikmat-e-amali khalkh ki falah-o-bahbud

khuda bande ke qurb ka hai  ye jawaz

jahan haq ke qareeb hojaata hai majaaz

ishq-e-haqeeqi ki shanasaii hai ibadat ki khiraaj

maah-e-ramzan nay badley hain bandon ke mizaaj

hain rab ke fermanon may poshida rahmaton ke ejaaz

aam-o-khaas ke liye laaye mere huzur tohfa-e-namaz

khuda ko bandey ka esaar-o-ajaz itna hai pasand

apni rahmaton say kiye hain unke darjaat buland

idd ka chaand inayet hai aur ye kasoti hai kamand

mere dosto ke sath jo guzari vo idd usko hai pasand

------------------------------------------------------

 عید  کی خوشیوں میں مہکتی ہے 

آج بھی اماں  کے دامن کی مہک 

دروازے پہ  جمی  منتظر وہ نظر 

 بعد نماز  ابّا   کا  ہونا  تھا گزر 

انہی خوشیوں میں ملا کرتی ہے عید  سیعد 

سب کی خوشیاں تھیں  اپنی خوشیوں کی کلید 

   یہی  یادیں آج  بھی  ہیں  زندگی  کی  نوید 

زندگی ہم نے کی انہی خوشیوں سے کشید 

میرے دوستو احساس میں ہے اب تک موجود 

 وہ  دعاؤں  کی سحر ، وہ محبتوں  کے سجود  

ہر پل بندے کے عمل میں ہے خدا کا نمود 

خالق  کی حکمت عملی خلق  کی ہے فلاح و بہبود 

خدا بندے کے قرب کا ہے یہ جواز 

جہاں حق کے قریب ہوجاتا ہے مجاز 

عشق حقیقی کی شناسائی  ہے عبادت کی خراج 

ماہ رمضان  نے  بدلے  ہیں  بندوں کے  مزاج  

ہیں رب کے فرمانوں میں پوشیدہ ہیں رحمتوں کے اعجاز  

عام  و خاص کے لئے لاے میرے حضور  تحفہ    نماز 

خدا  کو   بندے کا  ایثار  و عجز   اتنا ہے پسند 

اپنی رحمتوں سے کئے  ہیں ان کے درجات بلند 

عید کا چاند  عنایت ہے اور یہ کسوٹی ہے کمند 

میرےدوستوں  کے ساتھ جو گزرے عید  اسکو  ہے پسند 

zindagi zindagi say mil kar....

tera ye mode naya  hai aye zindagi

Saath hain sabhi dil tanha  hai zindagi

Tum   kya gaye duniya ashkaar   hogai

Azad tha Jo dil  shikar hogaya hai zindagi

Kya yehi zad-e-safar hum le ke jaayenge 

ek dil tha ansuon may bah gaya hai zindagi

Ankh Shaoor ki khulne may zara dair kya lagi

Banda nafs ke haathon maath kha gaya hai zindagi

Boye they gul ke "kal " ye doharaya na jaayega 

khaar bazid they hum se Bach na paayegi zindagi

ankhon se uter kar daman bhigo gaya lahu

Ye waar mohabbat ko kha gaya hai zindagi

khuda ki shert per pura uter gaya hai dil

aate aate raaz Zindagi ka  haath agaya hai zindagi